ردت اكتب
ردت اكتب احبك ما عرفت شلون
ردت اكتب الك معاني فريده
حتى خيوط فكري إمخربطه اتصير
مدري شلون
اكملك قصيده من كلمة احبك
والله مليت أريد اكتب الك كلمه جديده
مامطروقه ماسامعها انسان
ولا مذكوره بكتاب وجريده
كلمه وبيها حكمه وبيها أسرار
مناهج للعشك تشرع عديده
وماريد القلم يكتبها لا
كون اريد الكَلب يكتبها بوريده
وأريد الكون هسه تصير الك كون
واريد الروح توصل للأريده
روحك ويه روحي وروحي وياك
وكل هذا واحس بيها عنك بعيده
