بعدك أحسَـنْ بيه ضاك الخلك,وبيوم الرحت بيدك خذت جنتي
مافهم غيرك أحجي الصدك, انت الوحيد الـ تفتهم علتي
اباب بيتك جدمـي خله اثر,ومل الدرب من روحتي وردتي
حاجيني قلبك يرضا من نفترك,تذبل اغصاني وتنكسر وردتي
الفركه هاون بين قلبي تدك,موسهله اعوفك سهله وك فركتي
عفت الدروب وعفت كلشي صدك,وابغير دربك ما مشت خطوتي
نخلـه ولغيرك مـاهدلت العثك,انطيت تمـري ودنكت نخلتــــي
وماأشم غيرك نفس لو اختنك, ولا شفــه غيرك اقبل بشفتـــي
إلغير قلبك قلبي مابيه عشك, ولغير عينك ماتهل دمعتـــي
جنت انت ضحكه وضاعت من الحلك,وما ترد الا برجعتك ضحكتي
سجادتي انت وباسمك آنه اسلمت,ومن تراب جدمك جمعت تربتي
وبالريه انت عايش ويه النفس,ومن ما أشمك تختنك ريتي
بيك آنه اسولف ليلي حد الفجر,وان ما تصدك حلف مخدتي
دنياي انت ومــوش نزوة ضحك,تقبل اعيش بدنيه مــو دنيتــي
تقبل اعيش بدنيه مو دنيتي
