.... مـــــاأعـــــوفـــــكـ چـــــــــــذبـــ ....

ماعوفك چذب
***
اسكتهن ويبچن ..
والدموع الوان ..
عيوني وعالبواچي ..
مالهن ثاني ..
شلت بيدي الجمر ..
والحرگة احس بالروح ..
ولا گلت لشماته ..
الجمر چواني ..
اطحن قهر والهم ياكل ويه الروح ..
منشوفن ذكرياتك ..
فوگ حيطاني ..
عفتني ابليل وحدي ..
والطريق طويل ..
تيهتك ..
وجرحي اعليك دلاني ..!!
ماعوفك چذب ..
والگالك چذاب ..
ولا تگدر حبيبي بيوم ..
تنساني ..
من تضحك ..
تردك ضحكتك للشوگ ..
ومن تحزن ..
تشوف ابعينك احزاني ..
اسرارك ابگلبي ..
وما بحت فد يوم ..
ولا گدروا عليه ..
وباگوا لساني ..
ضميتك جرح ..
واتچه عالاحاه ..
وامكابر ضحكت ..
اگبال عدواني ..
من تيهت روحي ورادوا يدورون ..
اجو يمك ..
لأنك انت عنواني ..
فرغت سلتي ..
وماظل اليه متاع ..
ما حنيت .. وانته ابوسط بستاني ..
حاطتني السيوف .. ويمي صار الموت ..
وانت ابعيد گاعد ..
گلي شمتاني ؟؟
ما ظن قصرت ..
والعشرة صار اسنين ..
ورهمت اعله بردك ..
طبع نيراني ..
بعدك بالگلب ..
متربع ومرتاح ..
وعطرك لسه اشمه ..
ابين قمصاني ..
يالنايم ..
عيونك ما تمل النوم ..؟
وآنه اعله السهر ..
متعوده اجفاني ..
بدموعي رويتك ..
همي بس تصير ..
عفت زرعي وتركته ..
وذبلت اغصاني ..
سألوني عليك ..
وجاوبت الدموع ..
اسكتهن ..
ولكن غلبن لساني ..
عرفوا كلشي بيه ..
وكشفوا الاسرار ..
لأن حبك لوحدك ..
هو بچاني ..
عشت وياك دنيا ..
ويوم ياكل يوم ..
سجين ابقفص حبك ..
وانت سجاني ..
ابرد ثلج يمك ..
واستر المضموم ..
اخاف اعليك من نيران بركاني ..
دليت الفرح من شفته يمك چان ..
اجت يمي الاحزان .. وهو ماجاني ..

تحياتي للجمـــيع

عاشت الايادي الحلوة عالموضوع الحلووو
تقبلي مروري و تحياتي

شكرا على الموضوع الحلو

تقبلي مروري

تحياتي&سفير الحب

عاشـ،ـت الايـ،ـادي الحلـ،ـوة عالكلمات الروعه
ننتضـ،ـر جديـ،ـدج
تقبـ،ـلي مـ،ـروري وتحيـ،ـاتيــــ

شكرا على مروركم

كلمات ورلا اروع
عاشت الايادي
تسلمين ورده
تحياتي الج

كلمات قمة في الروعه والابداع
عاشت الايادي ورده
تقبلي تحياتي ومروري المتواضع
شمس الحب

موضوع جميل جدا
يسلمو ايديكِ حبيبتي
تحياتي الج