كَالت الكَطعه اعله عشرتهه بعطشهه
توج فرح لو حست بكَطره مطر
جنت كَبلك سِجه ماشافت جدم
جنت كَبلك حلم يحلم بالحلم
وتلكَيتك بروحي الجديده
وماعرف من يا كِتر للروح اطب
وخفت من سنين عمري يلبسن وجوه الغُرب
وعل كَُرب حدر بهمك عل كَُرب
وعل كَُرب يضوي النهر كلما يصب
وهات هات الليل يل مالك شغل بالليل هات
وهات هات الآه يل ماتشتعل بالآه هات
الدنيه لو ما بيتتهه الغيرك تلولي وتبات
وتوصيني اعله يا ذمه توصيني
وحياتي انت ونبض يسري بشرايني
ويظل اسمك علامه يوسم سنيني
او لَوِ نَك مو دمع ماشالتك عيني
ويلوموني واحسك تكبر بروحي ويلوموني
وآنه بلا شوفتك شي نفعن عيوني
يشوكَي ورجوتي ودنياتي ولوني
وعذابي ولهفتي وشكواي وضنوني
يخي عونك عليه وبيك خي عوني
يواهس تضحك الدنيه على شفافك
يبو الليل الحلو اليلعب على جتافك
احس روحي تأمن بيك وتخافك
واحسك مدري شنهو انت وشنو اوصافك
ولا غيرك نبع بالشوكَـ يرويني
وتوصيني ولَوِنَك مو دمع ماشالتك عيني
ولَوِنَك مو كحل ماضمتك عيني
