ابوذيات <<
الف فرصه بغيابك صح صحتلي
وحتى غيوم وكتك صح صحتلي
كبال الناس كله صح صحتلي
وانا الصديت ماجنك عليه
^
كمر ماينوصف حسنك وشكلك
أكطعك بيدي ارد انوب أشكلك
بخنجر سم أدج كلبي وأشك لك
نص عندك يظل ونص اليه
^
الغيرك ابد مالالي بلالي
الك وانته الحزن خلف بلالي
بلال الناس وحد شو بلالي
كفر ما كبر وحملني اذيه
^
اتمنة ميت انة بعدك ولا عيش
وبفركك ما كلت خبزه ولا عيش
بعد عينك لابيت اليلمني ولاعش
ولا غيرك حبيب يحن عليــــه
^
أعلة كلبي حزن تدري .. تلفاني
وانة بزودي اعلة حسنك .. تلفاني
جبل شوكك هوه بية .. تلفاني
وصرت كاع وكمت تسحك علية
^
_________
