قصة حب في الشارع
وفتاةً كنتُ أمشي خلفها
كلما أكحاً كالتلي و وجع
فتقربت منها كي أسألها
شني ؟ هالايام الكح أنمنع ؟
يافتاةُ ماكنت قصدي حرشتاً
بية كحة ومنهة كلبي أنشلع
أم ترين الناس َ خداماً لكي ؟
لو دلال وفوكة شويه دلع ؟
أبتعد عني قالت يا فتى !!
ولا تلاحكني مثل صليل الكاع!
أخوةً خمسةً لي لو يعلموا
من بعد ذبحك يسوونك كطع
فتبينت لها أني لم أخف
وطلعتلها كل السوالف والخدع
يا هل ترى أتسمحين لي بالغرام
ونهر شوكي من كلبي نبع
فسبقتني خطوةً ثم أنحنت
ومدريت البيدهة شنهي اللمع ؟ !
حجراً وما كان علي به
ألا لمن حسيت بيه راسي انركع
فسقطت على الارضِِ مغماً عليَ
مثل واحد طاح جنه بيه صرع
أضربيني ثانياً قلت لها
بية تحتارين ويزيد الولع
فنظرت لحالتي يرثى لها
حطت كلينسة على الدم وانكطع
فتبسمت مني وقالت :
هسه يلي شوكك بكلبي انطبع
فتمشينا كطفلين معاً
واحد راح للسوك والثاني رجع
فتعجبتُ على هذا اللقاء
مو قصة حب فلم هندي طلع .
