يل اجيت
..............
يل اجيت بعين وكحه ومستحيت........
ارد اذكرك خاف حسبالك نسيت........
يوم خليت الجرح بيه ومشيت............
وهسه نفتح باب المعاتب يلبديت......
سنين دمعه بعيني شلتك مابجيت.....
ولاكلتلك يوم كافي اتعذبيت...........
ابدربك الملغوم امشي تعمديت.........
ونته ورده بدربي بيه اتعثريت.........
وهسه كلي بياوجه ليه اعتنيت........
ومااصدكك لاتكلي اتغيريت.............
ولاتكلي ايام حلوه اذكريت..............
انته بايع ودري مامره اشتريت.........
ودري ذنبي وعترف انا الجنيت........
عودت روحي على حبك وبتليت........
ورد اكلك وفتهم لامن اجيت..............
انه موذاك التعرفه اتغيريت..............
ونته اخر صفحه بكتابي انطويت......
يوم خليت الجرح بيه ومشيت............
وهسه جاي اتريد تلكاني من اجيت...
ماي جنت بوسط جفك ونجفيت...........
