http://i132.photobucket.com/albums/q...wers/ro181.gifhttp://i132.photobucket.com/albums/q...wers/ro181.gifhttp://i132.photobucket.com/albums/q...wers/ro181.gif
باجر تعتذر
بس تعتذر شتكول
يمكن خلصن
ما ظلن اعذار
كل يوم بحلم
تاخذني بي لبعيد
وافز وبعيني تلهب لسعه النار
غشيم انه وحسبتك
معدنك مـــــــــاس
اثاري هدوم تلمع
فـــــــــــوك زنــــــــجار
وتصورت الورد
كليته بيه طيب
وكل جذع الاشوفه
بكلبه جمار
نسيت اخوان يوسف
خانهم بير
وكلت كل بير
لازم يحفظ اسرار
ونسيت بلا وفه
كلوب العصافير
وكلت لازم يرد لعشه لو طار
صغت روحي اعلى ايدك
طوك من مـــــــــــــــاس
وباول عوز وسفه
انباع الاسوار
عفتني بلا درب
وبلايا تفكير
ياعذر التدوره
اعلى الجرى وصار
العمر وياك ماي اعلى الرمل سال
واذا نسم هواهه
تضيع الاثار
خليني بعدني محمل جروح
يتناخن عليه
زغار وكبار
صرتلك عود
خاطر تعزف الحان
وانت بخنجرك تعزف بالاوتار
باجر من تمر
ما تلكه انسان
بس دمعي اعلى بابك
عفته تذكار
عسى ويصحى
الضمير الما شبع نوم
ويذكرنه الدموع
وياخذن ثار
http://i132.photobucket.com/albums/q...wers/ro119.gif
دمـتـــم بسـلام
عراقيـ،ـة كوول\\
http://i240.photobucket.com/albums/f...12051/0152.gif
