http://www.alwathba-moon.com/vb/hi.gif.gif
شامخ ياعراق
تظل تنزف كرامة وتنزف الاحزان
لأن طبع الكرامة من الحزن تشرب
وتظل تاج المنايا وتاج الاستشهاد
وأقرب من وريدك شامتك وأقرب
تاريخك علــم يشهدلــه كـل تاريخ
احمر دمك اليصرخ بعالي الصوت
وأخضر رايتك ياأبن داحي الباب
واسود للحزن وأبيض جفن للموت
شنو ذنبك تظل تصارع بهالموت
وشنو ذنبك تظل بالونه والحسره
لا أنت يهودي وحاربت الاسلام
ولا انت ابرهة وحصلت هالعثرة
ولا انت فرعون وطاغي بين الناس
ولا حاربت موسى وحاولت نحره
ولا معجزة تريد من النبي اثبات
ولا طالبت شوفت خالقك جهره
ولا وسوس ابالك حاول الخناس
ولا شيطان هزك غرتك شجره
ولا ناكه اذبحت من صالح اتعناك
ولا اقــوام لــوط المنّك النكـــره
ولا عاد وثمود النكروا الرحمن
ولا صلبوا نبيهم عيسى بالصحره
ولا حرّفت كلمة انكالك بقرأن
ولاذبيت اخوك المنك بحفره
ولا عن النبي اتوهمت النكال
ولا شاعر نبينا وجذبت شعره
بس غلطة البدت منك ومامقصود
وربك رادها وسام اليشم صدره
من مات الحسين بيوم عاشوراء
وربك توجاها بموته ينصره
حتى انت المراقد كلها تصبح بيك
واصحاب الكساء بتربتك تبره
يــاعــراق اسمك فخــر للكون
والشمس اتمنه تلوحك بنظره
رغم الحاولوا منك دمار تصير
ماكدروا ابد لو وصلوا النحره
لأن ارضك طهورة الحواليك أطوف
وما نقبل يهودي يدّنس الحضره
ومانقبل يهودي يدنس الحضره
http://www.alwathba-moon.com/vb/seeu.gif
