بعد مااوصي كلبي يعاتب الروح
شيفيد العتب وتريد احاجيك
ماشه نار حبك تلهب وياي
كافي انزف جرح وتريد اداويك
تحركني بغرامك وشتعل نار
وهسه تريد ترجع مااخليك
ياريتك تجي وتشوف الجروح
تلكاهن خطيه يسولفن بيك
شسولفلك عليهن والله محتار
ياجرح التشوفه بناره يجويك
احبك حب عراقي يحب الهموم
اصيل وشايل الدمعه ويسليك
حبيتك طفل عايش وياي
ياعشك الطفوله شلون ااذيك
سامرتك ليالي وكلبي مذبوح
مثل نجم السعد بحضاني الوليك
يدك ناي الحزن وي صفنت الليل
حد وجه الصبح موال اغنيلك
وسولفلك عليه وحالي خلصان
بس عندي المهم لازم اداريك
شوف اثار حبك بين العيون
بين شيب بيهن وانت مابيك
وبين بالكلب حبك نياشين
بعد وشكث بعد وتريد اراويك
بين كلشي بين منك وياي
جنت شمعه بحياتك تطرد الليل
هسه الشمعه ذابت بيش اضويك
اترس حضني الك بدموع العين
واذا راحن عيوني شلون ارويك
من ماي الكلب شربتك وياي
وفتحلك نهر من كلبي وسكيك
هسه الكلب مات ومو كلب صار
جثه بنص جسم حاجيني شنطيك
لميتك دمع بعيون الايام
كلي شراح اكلهن لمن ابجيلك
الملم ذكرياتك حتى ارتاح
وشوف شباقي بيهن حتى ابديك
