لان بستك حبيبي تزاعلت وياي
اسف موكتلك ما اكررهه
لو ادريك تزعل ماابوس شفاك
احسبهه على هالمرة عبرهه
معذور انه صدك لن جنت عطشان
وامطارك حلم بالكوه تقطرهه
شفت كبالي زمزم وكلت ارتاح
ومنهه انه شربت لحظات اذكرهه
حسيت الكسوف بكلبي صار بساع
وبعيني الشمس مكسور خاطرهه
وبظهري احس ذنوب ماتنشال
هاي ذنوب يمك بلكي تغفرهه
احس انه احس اعيوني بس كلمات
تكتبلك شعر هو انت شاعرهه
احس ضلوعي صارت بيه جن سيوف
هاك ضلوعي كلهه كبالي كسرهه
بيدك انت روحي وانه اريد الروح
خلي ايدك بدييه وروحي فجرهه
هيه اصلا الك اخذهه يمك دوم
سامحني والك هالروح انذرهه
غيبوبه وخذت مني الوعي بلحظات
وبوسة تحولت غيبوبتي اعذرهه
شمرتني اعله شفتك ميت بلاروح
غيبوبه وصغيره شبيك دعذرهه
اخذ مني التريده واعتذرلك جاي
هاي جروحي يله أبملحك احفرهه
هاي عيوني يمك واني كلي اهنااا
وانذار اصفر انطي الروح انذرهه
