حـ،ـزن معـ،ـدان
لو تدري اشكثر تعبان .. الهث
والدموع يخضر الهه اللسان
يمتد للفرح سجه اعله السوالف
ويدك السوالف بالعتاب ايشان
تعبااااان ...
يشريني الحنين ... ويسري بيه الصوت
يا صوت الغنه ابكلب اليحب ... اوذان
اشتم الحزن .. من واهس المهظوم
من صبر الشمس .. من طور المغنين
وتحزن توز حيلي
الهم "" حـ،ـزن معـ،ـدان ""
تعبااااان ...
اتوجه اعله الجف ... اتبسمرت بالعيب
وندكت علامه ابجبهة البيبان
مهضومه الشمس .. تعكس ضواها العين
وتسومر حدرهه ... اوجوه سبع الوان
مهضومه الشواطي .. اتفيض كل الفيض
تروي ابن النزير ... وتترك العطشان
ما يطفه الكمر... ما تستحي النجمات
ما يعثر بختهه ... وينجفي الفنجان
ما تمتد اديه ... ابعين هذا وذاك
ماجول الخشب ... حدر الخشب .. لولان
ما ..!!
ولياحد ...؟
ويا حد ...؟
ما ...
حد الصبر .. وابعد
وتره طبع الجروح الاخ من تبرد
ونه و روحي ... خصر حزام
تنشد زود .. من ينشد
انه و روحي ... كفر ويمام
بينه السكته تتوحد
ونه وياك ...
ابدرب جدمين ... نمشي اشما جزانه الحد
واحس بيه
فرح سفان ... هب الريح بشراعه
ونه وياك الهرش والطين
يمتد الهرش لو حومت كاعه
انه وياك .....
الزمن والبين
يتلاكن مكص ....
لو دكت الساعه
وتفز بيه جوالي وصوت ....
وتفز بيه الشمس ... ينطفي ابظلمه الموت
تتواكد ..
نفس ...
وحجايتين ..
واتواكد ... رفيف ... ومستحه ... وبسكوت
وتعلك بيدك اشراع ...
يلكه الريح مكسوره
كلب وبلايه ريح ايفوت
وتسكت ريحكم .. ويفوت
وتعكس ريحكم .. ويفوت
عريس الكدر فوك الشواطي ايموت
تحياتـ،ـــــ.....
