شفت الظيم يسمر من وراك
وشــــــفت سكرات المنيه بعيني
مـــــــــــاتكلي شبيك يمعود شجاك
تــــــــــــصد عني ودومك مجافيني
وتدري بيه الروح ماحبت سواك
وتــــــــــــدري بيه مسودن وتاذيني
وتدري جرحي النزف رايد من دواك
والله يــــــــــــــــــرضه معلعل تخليني
صح حلو ومملوح والباري اجتباك
وصح الك يسمر نذرت سنيني
ولك طبع بلروح باقي وانه ذاك
باقي حبــــــــــــــــك بيه ويسليني
انت غالي وما اظن حد بغلاك
ميت انـــــــــــــــه مروتك صحيني
تدري ما ازعل وحق من عدلاك
ولا اعوفك وانته اظن تدريني
كلبي ماباعك ولك يسمر شراك
ومــــــــــا اساوم لو ردت تشريني
