يلة تعالو يالله بنااااات اللي عايزة تتخلص من المــــلل تدخل, ضروووي

هذي وسائل لعلاج الزهق داخل البيت ، وعلى فكرة تراها للبنات لان الولد اذا زهق ركب سيارته وانقلع يفرفر..
- امسكي التلفون وكلمي صديقة من زمااان ماكلمتيها..
واسترجعوا ذكرياتكم مع بعض اول..
منها راح تمشين وقتك ومنها راح تجددون علاقتكم ومنها تشغلين التلفون 12 ساعة..

- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي؟!؟!؟

- قصي اطراف شعرك..كل مازهقتي روحي عند المراية وقصي الاطراف (بس شوي شوي منها).. اراهن انكم بتصلعون على هالحالة..

- امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..

- روحوا السوبر ماركت وامسكوا العربية ودوروا فيها وصقعوا بخلق الله وقولوا : اووه آسفة مادريت

- امسكي ريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي)..

- تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم.. نص ساعة طبعاً بوجود الجميع (مااحد يقدر يسويها)..

- امسكي منشفة وفكي الشبابيك ونظفيهم..

- سوي عصير برتقال واشربيه؟؟؟ هههههههه.. حلوة ذي..
.

- اقروا مجلة اطفال (ميكي وماجد)..

- البسي ملابس رجال ثوب وغترة وخرعوا اهلكم..


- افتحي نوتة التلفونات واختاري ارقام من العائلة ودقي عليهم وسوي حركة صلة رحم..

- نظفوا ماسنجركم.. سووا ديليت للناس اللي من زمان عنهم مادخلوا.. وبلوك للناس الثقيلين الدم..

- روحوا مواقع بطاقات وكاردات وارسلوا لصديقاتكم..

- الفي مسجات جوال ونكات ماسنجر.. خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..

- ادخلي غرفتك وحطي مكياج كاااامل كانك رايحة لعرس ولطخي وجهك تلطخ وتصوري ..حركة صح؟ ههههههههههههههه..

- امسكي دفتر تلوين اطفال واقعدي لوني.. حلوة ذي بعد..- اذا زهقتي افتحي دولاب ملابسك واقعدي قيسي ملابسك بدلة ورا الثانية.. يمكن يجي الصبح ماخلصتي من كثرهم..

- روحي المطبخ سوي كيكة (هذا وجهي اذا احد اكلها)..

- سوي ايميل جديد واقعدي العبي على اللي تعرفينهم..

- تعلموا لغة غريبة.. مثلا كلمات معنية باحد اللغات واقعدوا اكشخوا فيهم وتفلسفوا فيهم..

- اركبي السيارة وهي موقفة جوا البيت وكأنك تسوقين.. اطلعي وانزلي الدرج عشرين مرة.. منها تتمشين ومنها تنحفين.. ذبحتكم القعدة والفضاوة. اقعدي على الكومبيوتر وحوسيه زي العادة..

اطلعي الحوش.. وصيديلك حشرة لطيفة (عنكبوتة مثلا ) وحطيها بعلبة واقعدي راقبيها.. بس لا تخلونها وقت طويل عشان ماتتعذب.. والله من العطف عندكم يالبنات..

- خذي مجلات قديمة واقعدي قصقصي صور ولزقيها بلوحة (بتطلع المواااااهب)..

- اطلعوا حوشكم ..والعبي كورة..وكسري انوار البيت..

هاي شنو بس مو كل البنات
كل الي ذكرته اني ماسوي
ههههههههههه
على العموم يسلموووووووووووو

ههههههههههههههههه
ثانكس خالد

ههههههههههههههه عاشت الايادي