شسـ،ـولفلـ،ـك
شسولفلك عن كلبي الاخذته من رحت وياك
لو عن لحظه مجنونه
تمنيتك تجيني بيهه ويه الريح
وتريح كلبي وضنونه
وشسولفلك ؟
عن غربه غريب
ولوعه عد محتار
وحزن الراحت عيونه
وعن عين الشماته وفرحة العذال
وصار الي يريدونه
وشسولفلك بعد ؟؟
وتدري انته شلون
دمعتي ما تضل بعيوني مسجونه
ابجي !
حته من تمشي وتبتعد خطوات
شلون اتريد اكتم لوعه مجنونه
اسولفلك حجايه عن كلب وفاي
ما خان اليحبونه
وعن عين برغم ما كال هذه وذاك
ضلت للهوى اتصونه
وعن صوت بمحبه ايصيح
وخل كلهم يسمعونه
ترى شما فركوا الاحباب
ماكدروا يفركونه
تحياتيـ،ـ،ـــ....
