بعد ما اريد فيزا ولا لجوء انساني
عمت عين الاقامه الدنست صيتي
واشكر كل صديق وكل خوي وكل جار
قفل بابه ورفض يقبل عراقيتي
خلف الله عليكم والوكت دولاب لابد يوم ينزل
بيكم ارضيتي لان اول امس كل البشر خدام
جانوا للعراق واكلو ابيتي جان الضيف عندي مكرم
ومهيوب فوك الراس اشيله وهاي تربيتي
ماداعي اسولف وانه ابو النهرين ياهو الما سمع
اخبار حنيتي بعد بصمات ايديهم والطبع موجود
من جانو جياع بوسط صينيتي يادنيه حرام
ومنكر ومكروه اذا ابن العراق اليوم وصيتي
معقول نسيتي اسم العراق بساع لو مثل
البشر همين تناسيتي ميفيد الحجي
ولاتنفع الجلمات راجع ياوطن لترابك الزيتي
راجع ياحبيبة قلبي يابغداد وادري بكثر ماونيت ونيتي
وادري لوحدج عفناج صار سنين وادري من
الحزن تابوت سويتي جيب الاغتراب وحطه
بالتابوت ياغربة العراق شكثر اذيتي ما اعيش
بحر مالح طعم يا ناس انه بس مي الفرات فقط حريتي
وترابي من ذهب والكاع من ياقوت ومن ثوب الكرامه
البسهه بيريتي واذا كالو لترجع الوضع مو زين
اكول اني الوضع والزين تاليتي
وميهمني بهد شيصير خلي يصير طعم الموت
اشرف من هجر بيتي اموت بوسط خوتي
وياحلاوة الموت من اجمع اهلنه واكتب وصيتي
وصيتي لومتت لتكفنوني كفان لفوني بعلمنه
وهاي امنيتي واذا تريدون بهالكبر ارتاح
امانة الله دفنوني ويه جنسيتي
امانة الله دفنوني ويه جنسيتي
يارب يعجبكم وهذه الكتابه حقيقيه لان الي صار ويانه هو هذا وشكرااااااااااااا
