كارثة من كوارث الميالي (( مو عطري )) 2009

http://i164.photobucket.com/albums/u...00/alsalam.gif

احضني مخدتة ونامي واتركيلي دمع يجري
وشميها بمحبة وشوك عطرة الي بيها مو عطري
جنت راسم هواج احساس واشم بيج الهوا العذري
وجنت متصورج دنيا واعيش بدنتيج عمري
اثاريني جنت مخدوع مريض يصخن يهثري
ما ادري وصدك حبيت ما حبيت لو ادري
تكوليلي احب عطرة واحب وياه كل ذكرى
واموت بظلمتة ونورة
واهيــــــــــــــم بحلوتة ومرة
واني .. اني اسكت .. اسكت ولا احجي
لان مخنوك بالعبرة
صدك غيري سكن كلبج صدك واني طلعت برا
الف استغفرك ربي على لساني اجت كفرة
لان اني جنت مخدوع مخدوع مريض يهثري
اني ما ادري وصدك حبيت ما حبيت لو ادري
يعني لحضنة تشتاكين ؟؟؟
يعني بجيتة تحلمين ؟؟؟
واني احلم باثر رجلج اذا من يمي تتمشين
عيني الي تحلم بملكاج كون اعميها هاي العين
وكلبي الي يحبج موت كون بداخلة تموتين
حتى ما اشتم عطرج انكرج واكول هاي منين
يلي من عذاب الشوك رف الجفن ما تسوين
اثاريني جنت مخدوع مريض مصخن يهذري
ما ادري وصدك حبيت ما حبيت لو ادري

تسلمين ورده ع الكلمات التي في قمة الروعه

متميزه دائما يا مبدعه

تقبلي مروري البسيط

تحياااااااااااااااااااااتي

مشكورة وردة
على الكلمات الرائعه و المؤثرة
دوومكِ مبدعه و متألقه
ننتظر جديدكِ المميز
تقبلي مروري
العميد نهاد العراقي

منوووووووووووورين حبايب
شكراً ع المرور الجميل