اروى من اشوفك واترك الماي
واحس ابشوفتك جن توني شارب
حاضر سجليتك بين العيون
وابد ما سجليتك يوم غايب
ذنب حبك كتبته بدفتر الروح
وعن ذنب جذب ماكول تايب
مثل شمعه كضيت العمر وياك
اوج خيطك بدمي وبقه ذايب
اشوفك مدرسه وبيهه انته استاذ
حلاة الروح بيهه بكلب طالب
افرح من اصيرن طالب اهواك
واقبل من اصيرن بيك راسب
موجب رمش العين لا تجي حذاي
لان كلي اصير وياك سالب
عندك عين ما ضن منهه موجود
وحاجب فوكاها ما مثله حاجب
مو حكه الجسم من يرجف احذاك
ولون وجهي ايصير شاحب
سهمك ما خطاني وصحت افيه
بلا نيشان سهمك صار صايب
بلا نيشان سهمك صار صايب
تحياتيـ،ـ،ـــ....
