:::/:::/::: مصطلــح تحشيشــي جديــد :::/:::/:::/× الدشـــداشــه

هااااااااااي
شله
شونكم
اخباركم
ان شاء الله الكل زينون وطرشي وشوية مخللاه
جبتـ الكم موضوع تحشيشي جديد
وهوة عبارة عن مصطلح جديد في الاسواق

((( الدشداشـــــــــــة )))






طبعا الدشداشه اهنا مو الي نلبسهه

لا الها غير معنه بلغه التحشيش هع







ظــهور مصطلح جديد يدعى دشداشة
( بفتح الكاف و الضمة المشددة على النون )
يمكن هاي الحركات بغير كلمة انتو عود شوفوها المهم و ما يزال يستعمل على نطاق ضيـــــق لوصف شخص يحاول ان يفيك و يصير حشاش او حديقة ( مو شغلته هسة كوة؟)

و هذا تعريف الدشداشة :-


الدشداشة :-

شخص هاديء عادة ( طابك على صفحة ديبرد الراديتر يعني ) و ما عنده خفة دم ( يعني وغف و ينرادله 1023 تنكر سفن ) بس من يوكف وية حشاشة يحاول يفيك براسهم و يحاول ان يبين انه هوة هم حشاش عن طريق تحشيشات قديمة لاطشها الأخ منا و منا ( و بس يدعبلهن يخلص الشحن مالته ف انته اربطله اقرب شاحنة و لزكة بالدكمة مال كهرباء بشريط لاصق) و يظل ساكت وراها يحاول يحفظ تحشيشات بينما تعرفون انه الحشاش هوة يرتجل و كل لحظة عندة تحشيشة شكل لأن فنان مو بيده( اعتقد برجله بس ما متأكد هسة اسأللكم)........... .يابة طلعت بخشمه ^_^




شكله العام :-


عادة الدشداشة يكون كلش مرتب شعره يمشطه بطريقة كلاسيكية (فركة من الربع ام الخط ) و ما يحط جل ابد (يستحرم) و دائما يلبس مناظر و بنطرون قماش( متعارك وية الجينز علمود بنية) و يدكم الدكم كلها مال قميص
( و اذا تيشرت ما يدكمه لأن ما بي دكم اي والله و داعتي واحتمال هوه يخيط اله دكم ) و الحذاء مالته كلش يتلامع( يومية يزين عليه بدال المراية ) ويفرج سنونه 17 مرة باليوم بمعجون سانينو (و اذا معوز بال آركو) و اخيرا يمتاز الدشداشة بصفنتة (مو الك يمعود) يحاول بيها يتأمل شغلات ما اعرفها لأنه اني يسراوي ويمكن شطحت زايد المهم و هو ما يدخن ابد ابد لان يخاف اذا بابا عرف يشدة بدال الجوزة ام ال 10 و يسمط عشيرته . و اذا بنية كفرت و حجت وياه يجاوبها ب ءءءءءء اااااااااا هاااااااااااااااا؟ممممممممممممم ما اعرف و يرتبك و يحمر و يزوع عليها.عاد هية تنزع ال 38 و على صماخه .


حياته العامة:-

يبدأ الدشاشة يومة انه ال ماما مالته تكعده بال 8 السبح :يلله حبيبي تعال اريك **د و مربة (خوما مثل حظي وصيت امي تكعدني بال 8 تالي اني اللي بال 11 كعدتها ) و وراها يبدأ الدشداشة يومه بسكي الطرمة و قراية الجرايد و حفظ النكات القديمة( من جان الب*** تاتا ) و مرات يلم جهال المنطقة و يكعد يحجيلهم نكات .و يرجع يغسل ايديناتة بالصابووون و الزاهي حتى يتغدة (شاش مال نظافة حيييل) و العصر يشرب جاي



اللي يتفرجه عالستلايت:-

كاليميرو الكابتن ماجد افتح يا سمسم المناهل ليالي الحلمية و حفلات سيد مكاوي(مكاوي لو نورتن؟ هع هع)


الممثلات اللي يسطروه بجمالهن:- أمل طه سهام السبتي أمينة رزق عائشة الكيلاني انعام سالوفة (اخت انعام سالوسه)




تعليقاته:-

من واحد ضعيف يفوت من يمة يفيك و يذب اقوة تحشيشة عنده ههههههههه باعو هذا جنة عودة ههههههه و من واحد يلبس الوان غريبة يكله هاي شنو طالع جنك شجرة ما اعرف شلونها ههههههههههههههههههههههههه و لا يستعمل الدشاشة ضحكات ال (هع هع هع هع هع هع) ولا ال(خخخخخخخخخخخخخخخخخ) لأنها لا تتناسب مع قدراته التحشيشية (الفسكانة للنخاع) و من حشاش يذب حجاية فهو يبدي يضحك عليها ورة ما الباقين يخلصون ضحك ( يضحك يوم الخميس على نكتة انحجت السبت لأن الثلاثاء يلله افتهمها)




أبرز حجاياته:-

مرحبا, أذا ممكن, بدون زحمة ,ارجوك ,نعم, من فضلك, ياريت ,ياترى, آسف للمقاطعة, شكرا جزيلا




و الدشداشة عادة سجاج اكشر(ديرو بالكم من عنده يحرك كيرفات ) و من السهل النصب عليه ( شما تدعبلون عليه ياخذ) ولا يفتح موضوع ابد( عالمكشرات) بل يحاول اقحام نفسه بأي موضوع حتة لو بالكوة و مو لوكي ولا يتبجبج

...............
..........................

اتمنة انو افتهمتو المصطلح الجديد

وبلكي شوية تمشوه بالسوك لان اكو ناس ميعرفوه


ارق الامنيات لكم



تحياتي CoOoL G!rL
وللعلم ف هو منقوووووووول

هههههههههههههه
خوش مصطلح جديد والله يفيد خخخخخ
مشكووورة وردة على التحشيش الجدود هع
ننتظر جديدكِ القادم
:q7:
تحياتي
العميد نهاد العراقي

هههههههههههههه
تدلل وردة
منور

ههههههههههههههههههههههههه
مصطلح فييييكه
صحيح هو نيووو
بس اصحابه منتتشرون في السوك
:q7:
:q7:

عاااااااااشت ايدج حياتي
:Smiles Lot 1:

تدللين عمررررري
ومنورة