شوكت افرغ واحب شوكت فهميني؟؟

قصه لعراقي يتعذر لحبيبته .


ما اكَدر أخدعج ,, وبقا وياج ,,
لأن فرق السما البينج وبيني ,,

أنتي بديره ما مرها الحزن والاه ,,
وانا بديره غربه ومظلمه اسنيني ,,

ما اكَدر اوعدج باللذي ترديه ,,
ليش اجذب عليج ارجوج تنسيني ,,

عسر الحال دمر حت فرح دنياي ,,
وركض جبت العمر من دون كل جيلي ,,

شلون انطيج كلمه وانا مرهون ,,
رهن حكم القدر والقهر لاويني ,,

دنيايه عباره عن جمع حسرات ,,
حسره اتذل حسره بآه تاذيني ,’

اريد ابعد لان حالي صعب فد نوب ,
تفلش دار كَلبي وكل حياطيني ,

يطير الحب شجابك عاشرت لغراب ,,
وج حتى البوم حن اليوم ينعيني ,,

وج دمعي نهر حت للفرات أسكَيه ,,
ودجله اتفيض كل مره بدمع عيني ,,

فلح زرعت نخل من جاري هاي العين ,,
وانا ذاك الشجي الحركَوا بساتيني ,,

شتانين مني وانا كومه ارماد ..
عطر دخان صاير من تشميني

مو انتي ورد اشجاب الورد للشوك ,,
وانا عاكَول صاير لو تكَطفيني ,,

وحكَ ربي احبج لاجن ارجوج ,,
دينج ما يوالم بالهوى الديني ,,

لأن أنا بوطن يوميه اخ مذبوح ,,
يوميه فجيعه ابكَلبي تجويني ,,

ما عندي مجال أصفن ولو لحظات ,,
من اصفن تكَص بيه سجاجيني ,,

لأن عدنه الي يصفن يصفه مقتول ,
ولاجن اليموت اسلام جن صيني ,,

كلها اتذبح بولد النشامه اليوم ,,
ذبح اخواني ذبح الشات يا ذيني ,,

وبعد هذا ممكن تعذري ابعادي ,,
شوكت افرغ واحب شوكت فهميني منقول تحياتي صاحبه المقام الرفيع

مشكورة ع الكلمات الراقيه
دام نبض قلمك المميز
كلمات واحرف اكثر من رائعه
شكراً لكِ مودتي

عاشت الايادي ع الكلمات الاكثر من رائعه
ننتضر جديدك ورده
تحياتي
خااااااااااااااااااااااالد

يسلمووووووووووووووووووووو
عاشت الايادي
وسلمت الانامل
ودوم ابداع وتميز

يسلموووووووووو على الكلمات الروعة مشكور وعاشت الايادي

كلمات روعه عاشت الايادي

مشكوووووووووووووورين على مروركم

قصيدة روووووووووووووعة

مشكوووووووووورة وعاشت ايدج

تقبلي مروري المتوضع

تحياتي

مشكووووووووووووورين على المرور