احبك من صغر عودي وسني
ومن حبك سقط شعري وسني
على حالي بچه شيعي وسني
وثالثهم مسيحي يون عليه
الوكت مانشف عيوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري وموش اليه
صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه
صرنه نجوم لكـن - مالمعنـه
والف يا وسفه بختك - مالَ معنه
زعلـك صـار ماصـخ- ماله معنه
اراضيـك وترد تزعــل عليـــــه
السانك لو تحبني .. شا طراني
واكـرهه الذي بحبك .. شاطراني
خذت مية بمحبتك .. شاطراني
اذن غصبن عليك اصير الية
صرت دم المشه بداخل وريدك
ومثل متريد مشيني وريدك
فراكك حيل مرمرني وريدك
على اجروحي تدوس بلا خطيه
احبابي شلون حالتكم بعدنة؟
شبدينة والوكت عنكم بعدنة؟
اذا انتو نسيتوا،احنةبعدنة!
بذكركم كل صباح وكل مسية
مخمووط للأمانة
