كطـ،ـره وكحـ،ـل
زنجر قفل روحي وحاير بناري
ومن كلبي اعله كلبي
انكطعت اخباري
ذكرتك يا عشرتيام تفاحات
عشره بكل حياتي وصارن اسراري
جم ليله اعله ليله ايعز عليه النوم
بس حلمك توالي الليل خطاري
وتحمر بالعتب وجنات خطاري
يالطخة كحل بطوارف القمصان
من كل ما كضيته وياك تذكاري
يا وردة بنفسج والكمر نعسان
وعيونك كمر للصبح كماري
يا رفه نبض هنيال من حباك
وندكلك نذر للصوت .. للطاري
للبسمه التشع بالروح .. شمس اسطوح
وتتناثر شعر ما توصله اشعاري
لعيونك .. عيونك حيرتي بدنياي
جلت من حورهن قدره الباري
وتكلي: اتغيرت! شو مو رسومك ذيج
تحجيهه ابعفه ومن ضميك عياري
تمنيتك اتحبني وتنجوي بناري
وكبالي واكعدك عاشك ومعشوك
وحجيلك بحالي اشصار وشجاري
واكسر لك حناني ابطعم خمره دير
وتسكر الزمن وتلاعب اوتاري
واغنيلك .. غنه .. بهداي بهداي
اعله هضمتنه ... اعله خيبتنه
ويه الروح حداري وازعلك لدتك
بالعشك من تغتاظ .. اتكطر اشفافك .. عشك كنطاري
ارضيك ابولك يا بعد هاي وهاي ..
واتعذر سنه ..وما تقبل اعذاري واحبك من صدك
من حب اهلنه الراح مو حب هالوكت
والعشك طياري
تحياتيـ،ـ...
