رعـ،ـاك اللـ،ـه
ضميرك موز غيرك للوطن شدك
رعاك الله اشكثر جان الوطن ودك
لوح للشمس خل توكف بحدك
تراهي شما علت ما علت بكدرك
واطبج نبض جرحك وي رفيف الكاع
احذ اسرارهه واحجيلهه العندك
لا طلكت مره وصرخت بتالي الليل
ولا هزت مهدهه ام المهد بعدك
ولا لذ الهوى ...
وفاحت كصيبه ابطيب
ورلا ورده ازهرت لمن ذبل وردك
يالعب الطفوله ويا فرح صبيان
ويا ماي انجفه وللجدح شيردك
عفاني اشلون اواكح وانته ضي العين
وايدي عله التراب ابرهدنه اتوسدك
يا خيالهه ودنك عليهه بزود
ولا هديتهه ولا رادت اتهدك
مهي طبع الشهاده بذمه الطيبين
وانته رسومهه من اول مهد عندك
رعاك الله ...
اشكثر شم خدك الرشاش ؟
وتراب الجبال ... اتشرف بخدك
اذا يطره الحجي وينذكر هب الريح
وتنعد الزلم .. بصدورهه انعدك
وذا دفرت وذنهه .. وساكهه التيار
ابو نفس اليكصر ينتجي بسدك
اودك مو موده من يكضي اوكات
بس درتك عندي ودرتي العندك
تحياتيـ،ـ..
