وين العيـــــــد..؟؟
///////
*****
///////////
هل اهلال...
بس نشده طرت عالبال
هذا هلال..؟
باجر عيد..؟
يو عيد النريده بعيد...؟
بدت فرحه وغنه وتغريد..
شفت عصفورة البستان اخذها الويد
ومسامر بلابل جيد يشتم جيد..
باجر عيد...
ورد وطيور حلوه تحوم..
فراشات تتراكص على رموش الورد شتريد..
جثيره حلام مجتوفه ال رجل الصيد..
تتعثر اجدام الشوف تدري بمستحاهه مجيد..
وانه بليل الحزن صفنة ندى اعل التوت..
اون بسكوت ..اون بسكوت..
بلكي يمر فرح ويفزز الغافين..
بلكي يطك نهر بزنود عطشانين..
عطشانه السواجي سنين..يابو سنين..
باجر عيد..؟
وين العيد...؟؟
