صدفه والتقيت وياك
صدفه اخذني الزمن والتقيت وياك صدفه
وصرنه بروح وحده واحنه روحين
ما بعتك وما فرطت بيك اني
احس تركض ركض وياك السنين
كلشي بهل الزمن ينشري وينباع
بس نبض الكلوب ودمعه العين
باموالك تحصل راحه البال
بس ما ينجمع بالمال كلبين
العشق يعني تذوب الروح بالروح
الورد ما يورد الا بلطين
الذهب يلمع بريقه ويسحر الناس
بس عمر الذهب ما بجه العيون
حبيبك لو يغيب عليك لحظات
عقلك ينتهي ويصيبك اجنون
يصب دمعك على الخد مثل الاطفال
وتظل تناظر الي يرحون والي يجون
رصيد الحب جبير وما خلص بيوم
بس كلمه حبيبي تعادل الكون
