اضحك عالدمع لو دكلي باب العين
واثكل وجهي خاف يطيبله الملكه
ولان لمن يجي من العين ما ينزاح
شلت خدودي حتى فراش مايلكه
اسد مجرى الدمع بالفرحه والضحكات
خاف اعلى الخشم وتلوحني الطكه
بصدري وتختنك اكسر عبرتي تموت
بعناد الدمع عليتها الصفكه
محضر ضحكتي لن دمعي عنده نياب
بس فك الحلك ذبيتهه بحلكه
مسودن بالضحك بس ما جنت بطران
خاف انسى الضحك وتبين الشهكه
مناشغ خلصت ذاك الزمان الفات
خل اضحك يبلكي رويحتي مصدكه
ثلثين العمر راحن بواجي ونوح
ويطيحن صفر وركه باثر وركه
جيلات الزمن خلني بس ناتوك
وانا لوكت الفرح ظميتهه التفكه
معسره رويحتي وتطلك زمن مو يوم
ومن جابت فرح بس فرحه مختنكه
