اليكم
ابيات الدارمي
تسألني كل الناس عن امنياتي
اتمنى بس وياك تخلص حياتي
شنو هالجمال البيك خبرنا عنة
شايل جمال الكون شمخلي النة
الكلب لوينساك للسوك اجيبة
واكتب عليه للبيع خاين حبيبة
اصفن وصفن الناس والماصفن داخ
واصرخ بعالي الصوت من فركتك آآآآخ
تبجي عليج العين موبس دمع دم
من فركتج لليوم هم باثرهم
من فركتج لليوم ماشفت الافراح
ولاضحك سني بيوم ولاكلبي ارت
ابجي وتكلي الناس جرحت الاخدود
كافي البجي ميفيد ولفك فله ايعو
يالتبجي عالعافوك ودموعك اتخط
محد يكلك ليش لو روحك اتنط
[شلونك شلون الدار وشلون الاحباب
اذكر جرح بجلاك بشرني ما طاب
علمني عانسيان ارد انسه ضيمك
وي غيري كمره تصير بس حصتي ضيمك
همك وخم الناس وهم هم الهموم
لو وحده منهن بيك ماتكدر تكوم
هم الليالي تعود واتعاتب وياك
احجايه للشمات خلاني فركاك
يا عازه الخوان عازتها عازه
والماوراها صياح وحشه الجنازه
مبخوت اضل للشيب يافلان اذكرك
وينكرني نور العين كون من انكرك
متعجب المهموم يشرب جكاره
قلبي بكثر مانوح تجويني ناره
اكعد بتال الليل وادعي بصلاتي
ياربي بعد فلان شلي بحياتي
ّّّّّّّّّّّّّّّّّّّ
يسالني البطران حالك اشلونه
الغاضب الله عليه هم ينشدونه
-حبك مرض بالروح وبدمي يسري ..
. غيرك فلاحبيت بس الله يدري
-لا مسج لا مس كول لا حتى رنة ..
. ليش انتة هيچ وياي يا بعد اهلنة
-هاك اخذ كل عظاي صفطها بيدك .
.. واحسبني دم محروم امشي بوريدك
-بينه شكثر حسرات بينه شكثر هم .
.. وجيتك النا تصير لجروحي بلسم
-هم تظن يوم انساك لا وحق ربك .
.. بوسط القلب محفور يالغالي اسمك
-ريت الاحبه يكون سجينه بيدي ..
. كلما الوج عليه اكطع وريدي
جرحك يا بعد الروح بلقلب بات ..
. دكتوري جن جنون ومن شافه مات
زين انت جرحك حار ويشوفه دكتور.
.. جرحي ما تشوفه العين ولا يشوفه ناظور
-خلي الحزن بالروح يسحگها للموت .
.. لن بعد مانلگاك مانسمع الصوت
العمر موش سنين ونعدها بحساب .
.. العمر كون ننام نصحة ويه الاحباب
-لو للگمر خدين تشبه هالخدود ..
. تنجبر بي الافلاك وتحطه معبود
ولو للگمر خدين منك ضواهه ..
. جان اشرق ولاغاب بيها يتباهه
اهواي افكر بيك تجبرني روحي .
.. ريت الافكر بيه يداوي جروحي
زين انت عندك روح واجروحك تروح ...
من عرفتك لليوم ما عندي غير النوح
انطيني مهلة انساك شتضنها سهله ..
. روحي بلياك ماضنها تحله
انطيني مهله انساك يالماتحبني .
.. ماريدك انا اليوم لو موتتني
سددت سهمك علي وصوبت بيه الروح
... كل الجروح تطيب بس هذا مايروح
من سددت سهمي عليك سهمك سبقني ..
. جرحك ما درسنا عليه دكتوري كلي
جس النبض بايديك ياولفي تلقاه ..
. يلطم على الخدين ويجر ألف آه
اوكف وكع للكاع واتوجه وانهض .
.. ما بيه عظم اصيح رضني الدهر رض
ان جان الدهر خلاك تتوجه وتكوم ...
انه ازحف عللكاع خلتني الهموم
گلبي انحفر بيه بير ودراجة مرمر ...
ونارك يا حلو لطول بالگلب تسعر
-خط الكتبتة وجاك من دمعي حبرة .
. گلبك سلاني ونام بس گلبي شصبرة
حسبالك انا انساك , والكعبه غلطان ..
. جوه الجلد واللحم يعني انته شريان
يلتنشد اعله الحال حالي انلعب بيه ..
. الجسم ضل عودان بهدوم اغطيه
اشوه انت ثوبك ضال اصبر للهموم .
.. الدهر شد وياي نزعني الهدوم
تحياتي
