دنيا وبيهه مكلوبه الموازين اله الكون يعصه وتعبد اللات
واتخورس الحك وماحجه بيوم والباطل بزيفه يردد ايات
خلوهه الورود تكص بالسيوف وبحفنت ذيابه وتسرح الشات
وخلوهه البلابل تكره الصوت واذا علبوم زفوهه الحمامات
والناطور يضحك شفته فرحان والبايك ينام بحضنه ويبات
حتى الموت متغير على الناس كام العدل عدنه يحاسب المات
دنيا مخالفه ومعاكس تدور مو سبعه العجايب بيهه سبعات
عدنه الكمر شايل بيده فانوص ظلمه وما يشوف الدرب لو فات
وعدنه الخير دك بوب المساكين خير العوز جمعو منه ثروات
وشفنه الضحك يسأل عن الايتام كلنه الفرح جاي وماكو لوعات
ثاري الحزن دزه وكله مرخوص اضحك عليتامه بضحك شمات
دنيا ابلا عقل وامخبله اخبال شعره العقل واتعت بيه عتات
وما تذبح نذل لو درزن سيوف بس شوف الشريف اتذبحه كلمات
