عـلى عيــونك رسمت العالم اشـواك..

على عيونك رسمت العالم اشواك..
وخيطت النظر برموش خارطتك

كالولك حلو ماانصفوك الناس..
. على مقدار نظرة الناس فاهمتك

بيك انت الجمال اشكال وانواع.
. ومثل جهل النبوة الغشمة جاهلتك

عالم مجتهد يحتاج للتفسير.
. ويشكل عالكلوب الفقط عاشكتك

لازم دولة عندك بيها الك حراس.
.والمفروض جنة اتصير عاصمتك

تحت جدمك هوة يبوس بطرف رجليك.
.عفى كلب الارض وشلون شايلتك

ماانكر جمالك اية في كل حال.
.. وشكد مؤمنين بدقة حافظتك
لاتعتب عليه فاقد التركيز.
.. ومن شدة جنوني اشكــثر حذرتك

كبلي اهواي بس محد كدر يقراك.
..مافهمتك هاي الكبلي..دارخـــتك
نغمة سكتتك صوتك شذى ام كلثوم.
.بس انة الوحيد الصدك لحنــتك
بحث برموش عينك قدمت بااحساس.
.فاجأت التظن بامعان دارستك
ماجستير بيك محصل بتمييز...
فلتسقط اذن طـــــــــلاب جامعتك

روعة
عاشت اناملك
على ماخطت
تحياتي

منورة وردة