حسرة عشاگــــــــــ ؟؟؟؟؟

(( حسرة عشاگ ))

شوكت يا حُب تجمعنا ويا النحبهم
تدري ما يطيب وجعنا إلا بحضنهم

هـي أبلد وأنـي أبلد والشوگ بينا عدة الكــون
ما نگدر نتحمل بعد حُبنـا وصل حـد الجنــون

العشگ عليـنا بچـة والحُب ساكت ما حچـة
منو اللي يجمعنا سوة منو اللي يسمع هل ندة

اللهفة بينا صارت رماد وكل شي بداخلنا أحترگ
خلص العمر وأحنا بعاد ذاب الگـلب من العشگ

العشگ عليـنا بچـة والحُب ساكت ما حچـة
منو اللي يجمعنا سوة منو اللي يسمع هل ندة


گالوا بالحُب كل شي يصير حتى المستحيل يهـون
مـاكــو حـلم يبقــى أســير لابـد تشـوفـه العيــون

العشگ عليـنا بچـة والحُب ساكت ما حچـة
منو اللي يجمعنا سوة منو اللي يسمع هل ندة

يلا يا حُب سوي العجب خلينا نعيش حلم العمر
أجمع گلوبنا لحظة بدرب نسينا الأه وليالي القهر

العشگ عليـنا بچـة والحُب ساكت ما حچـة
منو اللي يجمعنا سوة منو اللي يسمع هل ندة

لي ويــن يبقـى حلمنا صابر على هذا العنا
ثنينا من الغربة تعبنا وكل لحظة تـمُر بسنة

العشگ عليـنا بچـة والحُب ساكت ما حچـة
منو اللي يجمعنا سوة منو اللي يسمع هل ندة

شوكت يا حُب تجمعنا ويا النحبهم
تدري ما يطيب وجعنا إلا بحضنهم

منقول من ما اعجبني

اخخخخخخخخخخخخخ على جرح والله
عاشت ايدج وردة دومج مبدعه

اي والله ع الجرح
عاشت ايدج يا مبدعه
كلمات حلوه وروعه
في انتضار جديدكِ الرائع و المميز
تحياتي
خااااااااااااااااااااالد

اووووووووووووف شنو هااااااااااااااي
سلمت اناملج
يا وردة

يسلمو على المرور الجميل
تحياتي الكم
جميعا

عاشت ايدج
مووووضووووع كلش حلووو
وكلمات رائعه
تحياتي الج

يسلمو حمكي على المرور العطر
تحياتي الك