بــــــــــــــــــــــس جنـــــــــاح

ما تعبر عواصف وانت بس جناح
تتوازن اذا بثنين مطيـــــــــــارك
ولا بس ايد وحده وتشتغل فلاح
يجيك الماي عالي وياخذ عبارك
اذا بس عين وحده تظل وجه مكروه
واذا رجلك تذبهه يطول مشوارك
بلا شمس وكمر ما صار هذا الكون
ولاصارت حياة ونبتت اثـــــــمارك
واذا مو عنصرين الماي ما تلكاه
ولا ترجى بسماك تغيم امطارك
حتى الزاد وحدك ما تحس بي زاد
حلات الزاد لمه وكلهه تتشارك
عراقك هذا اصلا عايش بنهرين
شكبر شط العرب من وحد انهارك
اخوتك لو بعتهم مايفيدك جاه
لان تخسر حماك ومكمن اسرارك
اخوتك لو بعتهم تطمع العدوان
شكد غالي اخوك بيوم تتعارك
اخوك يظل اخوك شما عملت وياه
وتظل فشخات راسه تبوس احجارك

ابداع×ابداع
تسلم يا ورده ع الكلمات الحلوه
تقبل مروري
تحياتي

**((&&--- شـكـراً جـزيـلاً عـلـى الـمـرور الـجـمـيـل ---&&))**

**((&&--- گل حبي واحترامي الى من يضف رد لي ---&&))**

شكد غالي اخوك بيوم تتعارك
اخوك يظل اخوك شما عملت وياه
وتظل فشخات راسه تبوس احجارك
كلمات اكثر من روعة
دمت مبدع ومتميز
وننتظر جديدك تحياتي الك يا وردة

**((&&--- شـكـراً جـزيـلاً عـلـى الـمـرور الـجـمـيـل ---&&))**
**((&&--- گل حبي واحترامي الى من يضف رد لي ---&&))**