المن اشكي..؟
نســـوني!
ضيعوني!
وفوگ هذا ما رحموني
ياريت الرحل يرجــــع
واحطهم ابين عيـــوني
من بعدهم
حيلي وله..
گلبي خلص
حلمي سافر...
ومن اگله انت ناسي يرجع بگلبه القاسي
لا
سوالف لا اغاني
لا
بلابل لا اماني
كلهه راحت
كلهه ماتــت
وحدي صدگ هسه اني
ويه ليلي بسكته اعانــي
كافي والله ما اريــــــدك
وعلى هجرك ما الومك
الغلط غلطك يا گلبــــي
انت وحدك وي زماني
ما اريدك
ما احبك
عليك الله حبيبي انساني...
**
ضعت والسبب منك
تهت من بين ادـــيك
متت بس بعدي عايـش!!
صحت بس بعدي ساكت
المن احجي
المن اشكي
يمن ابجي.!
اذا الحبـــني چـــان طاغي
ومهنـــته لعبة اعصـــــابي
وفوگـــــ هذا ما رحمـــــني
فوگ هجره التقه اصحابي
وحده ســــــولف
بكــــ ــل وقااحه
بكل جرائه
وخله گلــــــبي عليــه تالفـ
روح عني ارجوك ابــــــعد
خلي گلبي وحده كاعـــــــــد
بااااااااااقي بعدك والله صامد
روح وانسى
حتى اسمـي
حتى روحي
حتى رسمي
حتى حــبي
الچان لعبه بأيد قائـــــد
شفت نفسك؟ لو نسيـت
بعــــت همك لو اجيت
**
انت ماهــــمك الحبك
ابد مالـــحضه وفيـت
لان انت الچنت بادي
وبكلمة احبچ هم بديت
هسه تــــرجع تگولي اســـف!!
ضـــــرفچ وضرفي حزيــــ ــن
اني ادور وحده حلوه
وگلبهه هم حنـــــــين
وحضنهه يكون دافي
وصدرهه هم امــــين
روح والله يا مـــــهاجر
ولك روحــي عنــــــي
بعيد سااااااااااافر
جمله وحده ارد اگـــول
اليحـب يمشي ويه گلبه
ويحلم يــــــدور اليحبه
لاااااااا مشاعر
لاا دفـــــــــاتر
ورقه بيــضه
ورقه ســـوده
**كلهه مليانه مــــشاعر**
بس معاني
بس اساطر
**اليحب ميدور جمـــــ ــــ ـــاله**
خلي يمشي ع اصــاله
ع اصل يمشي بجماله
هسـه هــــــــــــــــي
صح حنينه
صح جميله
صح لسانك وانت فاهم
بس گلبهه شنــو حاله؟؟
