أنه بصدري رسالة تبچي الاموات
وجوبن هالرسالة بسرعة تنذاع
أطفال الدول فرحانه بالعيد
واطفال العراق اجدي المتاع
ما هظمتني لمن هدمو البيت
ولا هظمتني تغفه اطفالي جياع
أنه الهظمتني وحده وبيهه تدرون
ألامريكان لمن سحگو الگاع
ولمن طب درعهم داس بغداد
شفت ام قصر تبچي دموع الوداع
وخلف الباب راحت كلهه بغداد
من شافت أجانب رگضت بساع
والانذال بحقد عصروهه بالباب
والبسمار كسر كل الاظلاع
حامل چانت ومن عصرت الباب
طرحت من بطنهه ارواح السباع
بغداد الحبيبه بنيت البيت
ترظوهه سترهه اليوم ينباع
شمالك يا دمع متحني الخدود
شمتاني بعد موش الستر ضاع ؟؟؟
طف حسين عادوهه اعله بغداد
وعليهه الكفر كلهم شدو احزام
ذبحو كل اهلهه وشافت الصار
من حرگو عليهه اگلوب الاخيام
شافت روس تنزف فوگ الرماح
وعلى اعيون الرؤس انواع الاسهام
حچت ويه الحسين وهزت الكون
أگعد شوف بعدك خدر الاسلام
حوافر خيلهم داست عل اطفال
واذان اسياطهم كبر عل اجسام
ألحوراء بغداد انه يحسين
تضاهه أسيره انگاد للشام
وللعباس تشكي الحره بغداد
يل عباس دارت بيه الايام
مالچ جاه گالو عني يا حيف
وانه الچانو يجوني بثوب الاحرام
بيه ايتام صارو كلش هواي
وبالجوع انحكم واحدهم اعدام
أبو الأيتام حيدر بالزمن ذاك
وبهذا الزمن أنه ام الايتام
