ســـحر بـيـــــك
سحر بيك وعجيبة شلون سوّاك ربك بيك ابدع خالق الكون
اذا بتك عين حاير من اوصّف شلون تريد اوصف ثنين العيون
قيس مجنون ليلى من سمعني بحبك عني كايل هذا مجنون
لو شافك الكافر فات للأسلام وملاك يصير اذا شيطان ملعون
واذا السلطان شافك ركع يم رجليك غصب عنة وبعد هم هوة ممنون
من صوّرك الله وجوي الرسل شافوك كلهم عالنبي صلّوا خافو يحسدون
يلشعرك خيوط لسبحة نبي ابراهيم ويلخدودك ضوة ينورن درب هارون
واليتمنة يوصل منزلة تعظيم بعظمتك صارو الكل بس يحلمون
مو من طين انت من ذهب مخلوق ومن وزنوك مثل الماس موزون
لو مدري شسوي مقصر انا وياك لان كتلي احبك ولهالكلمة اضل مديون
يربي شلون ضحكة وك ضحكتك مثل صفوف لؤلؤ هاي السنون
من كلت اني احبك كالوا شلون بشر يعشك قمر ما ترهم شلون
عشت انة بحلم وهالحلم ما ينشال واضل طول العمر بحبك انة مسجون
يالكلبك مسيرة وبيه الحنان يقود ويالحبك مسلّة ومنك للعشق قانون
مو غلطة انة احبك غلطة الغرق الهواي ما تكدر الابرة تحبلهة كوم طنون
اذا بية حنان بيك انت الف اضعاف واذا بية عشق بيك العشق مليون
صدّك مااجامل ولا اني امدح بيك الناس من الادب منك خذت ماعون
وكل هالناس اكتفت والله من اللي بيه وانت اخلاق بيك اكثر من الف ماعون
ما وصّفت لونك واعذرني هذا انساه لان دفتر قصايد ما يكفي هذا اللون
