شعر شعبي مؤلم برحيل الام بعنوان( سفره بعيده )

من جرف الحزن والتعب والآه

شربت وارتوت امي او روتنه

گصيرة ايد ، والله امبارك الإيد

او على الطيبات كلهن علمتنه

شباب احنه او مشاكلنه ثگيلات

او نست امي نفسها او مانستنه

لو جار الوكت حصته المساكين

او صارت حصته امي او عبّرتنه

حدر جنحان امي .. عُمر غافين

وسنين المصايب طشرتنه

شيلة امي حضره او چفها شباچ

او بختها العافية او بي حزّمتنه

بأطراف العباية انكت الدموع

دموع العوز لو ظلت عمتنه

من اتغيب امي يظلم البيت

او يشع بالنور اذا شفناها اجتنه

ابمحبتها تبّرد غيض الگلوب

واذا تنگل جدمها اتطفي فتنه

لو ما دمعة امي او رشّة الماي

چان اعله السواتر غربه متنه

* * *

امس من غمضت امي بچه البيت

او ذبل وحشه لأن فارگ ضواها

حتى الهوى ضاگ او شح بالصدور

لأن چنه عُمر نشتم هواها

الها ابكل زوايا البيت تذكار

سبحه او ادعيه او سلة دواها

ويه امي ابسفرها انصف حمامات

بس هالسفره عافتنه وراها

مو نيّة سفر .. بس قدر محتوم

اشتاگ الطيبها الباري او خذاها


منقول من الشاعر والصحفي رياض الركابي

برنس بغداد
ثارت امواج مشاااعركـ وأخذتنا بين مد وجزر من عذوبه احاسيسكـ

اني استمتع دوماً بمتصفحكـ بجوااار همساتكـ وبرقه بصماتكـ

سلمت اناملكـ وسأكون بقربكـ دوماً

دام نبض قلبكـ

يبووو
والله ماادري شكلج خجلتيني
:a (70):
شكرا لمرورج يا ورده
:8

مشكور ورده على الموضوع الحوو
وكلمات روعه وربي
تحياتي لك

رووووووووعة
ماقدمته لنا من احساس صادق
وكلمات تقاس بلذهب
تحياتي الك
يامبدع

شكرا لمروركم الحللوو
منورررين
تحياتي

الله الله
اكثر من روعة
تحياتي الك