لانك بالتزامك مو من اهلك
اخاف تشيل ذنبي مو من اهلك
منو بكدي يحبك مو من هلك
منو بكدي يحبك من عشرتك
وتمنه يصير اصبع من عشرتك
وانا شكضيت خايب من عشرتك
اعد بسنين عشرتنه وهي جروح
واحس ويه النفس يطلع وهج روح
واصيرا كتلي و دعني وهج روح
وانا لما هان من اجلك هو انته
الي بدنياي شي واح هو انته
حرت بين ان تركته وان تبعته
ما باعك حبيبك وانت بعته
حبيبك باع عمره واشترك بي
وحزن كلبه على حزنك واشترك بي
وبعد شدوس كلبي واشترك بي
جبل حبه وتكلكل وانتكل بي
ويدنيا شما دفعتي لن تكلبي
واذا تنسا ياكلبي لا انت كلبي
ولا اريدك بعد وبصدري حملك
وحبيبي شلون ترضه بصد رحم لك
اذا حملك يتعبك بصدري احملك
جروحي بكد الارض وشكد دوه الهه
وتداوي الداء لو بالمخ دوه الهه
بس العين مايصلح دوه الهه
دواها العين خلها من تقر بي
وتصب كلما تشوفك من تقر بي
ولك شيصير حبك من تقر بي
وتحبني انت يقين بصدري موشك
الف شوكت سكوت بصدري موشك
انذبح كلبي وتصده بصد رموشك
وعرف محد يدفنه وشي دفن شي
وعكب صدر المواكد شيدفن شي
كفر من رسم غيرك شي دافن شي
واضن للجنه يدخل من يرسمك
وحبيبك يمسح اسمه من يره اسمك
بسمك حبي جمالك من يرسمك
وانا الليل بعيونك شفته كحله
وشفت شمس الاصيل وشفتك احلى
العسل من ضحكتك كله شفتك احلى
اذن لو من شفاهك بستك اشفه
اذا انت المات يعدل من تكشفه
شتضن حبك يضعفك بس تكشفه
وعلي تخفي اهتمامك واكتراثك
