هلابك طب وسط كلبي فهلك
وعيوني المافهن لحد فهلك
فقط بيك الكلب فكر فهلك
كلب مثلي اويفكر فقط بيه
48:48:
اظل لاوين اسولف ضيم وحشاي
وعكبكم جنة الفردوس وحشاي
اذا حمزة انجتل بيدين وحشاي
الف وحشي بهواكم صار اليه
الورانه يظل ورانه مايعدنه
وخسر كلمن بصحبه مايعدنه
ان جان الخبز عده ماي عدنه
باجر يغص من ينطيه اميه
منو مثلي يكضي الليل ينطر
مكالب لمن فجره اعليه ينطر
احس كل ساعة كلبي يريد ينطر
واحس كل ساعة ثوب يوج عليه
48:48:
مر ولفي ايهبتني ومره هبته
ومره اوصلت يمه مره هبته
طحت مكدر يصاحب مره هبته
اسد يخسه الاسد ملكاه اليه
وحك الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه
:q01::q01:
اريد ارسل سلام بشوك بسمك@@@@@@@@
وافرح لو يجي المرسال بسمك@@@@
نجم انه اصبحت يا زين بسمك@@@@@@@@@@
وانت الشمس من تضوي عليه@@@@@@@@
:q7:
طور الشطيت
يلوم المادرى بروحي شمرها
مايدري الدهر عن ودهم شمرها
ليالي فراقهم والله شمرها
أمر من المنازع بالمنية
............
طور الشطراوي
من منكم علي نشد من سال
جفيتوا و بجفاكم صوت من سال
شعندي غير دمع العين من سال
إخفف بيه مصار الصار بيه
..............
طور حياوي
سهرت الليل بودادك و حييت
و قلت مرحبه بطارشكم و حييت
يامطرب طفت بالكعبة و حييت
إذا جايب حبيبي وياك إليه
..................
طور اللامي
علامه الدهر شتتنا و طرنا
عقب ذاك الطرب بالهم وطرنا
الف ياحيف مقضينه وطرنا
وليالي الي مضت متعود ليه
...........
طور الجادري
تأمل كون ملحوظة و حفظه
بيابي العين أظمنه و حفظه
يهل ماشي بمان الله وحفظه
يحرسك و بسلامة تعود ليه
..........
طور المثكل
علي جيش الهوى صور حربلاك
وجفني ماغمض ساعة حربلاك
انت عين الشمس وأنا حربلاك
صرت وأهل الهوى قايست بية
................
طور الملائي البغدادي
نجم حسن الترف عقلي أخله
ظهر لهل المحاسن ضي أخله
بجمالة لاتظن يوجد أخله
ولاولدت شبية أم البرية
..........
طور السويطي
نحت بفنون الخمسة ولكفان
رسمت أمثال من زهيك ولكفان
أضل بهواك للوزره ولكفان
إعذرني لو صرت حدر الوطية
......................
طور المجراوي
دنيف متيمك مايوم بسم
مغذيني ياساهي العين بسم
من وجدك غديت أنلظم بسم
بدسم الخياط إيضيج بيه
....................
طور الصنداقي من الأطوار القديمة
يناهي لاتشد بالراس وبره
تظن منك دليلي يسل وبره
أنا جم دوب أكد للظعن وبره
الظعن و أهل الظعن شحوا عليه
....................
طور السرحاني
وحق الي تعبده الناس منشاف
الدمع من يومكم لليوم منشاف
الف ياحيف شفي إنقطع منشاف
بعد هيهات جمعتنا سوية
...............
طور الصبي
سروا و أنووا ظعنهم وين يردون
ظمايه ومن دموع العين يردون
لون أهلك حبيبي عبد يردون
رضيت إن جان يرضون بية
.................
طور الطويرجاوي
بجيت وزادن جروحي ولاماي
علي الماطال الي وياهم ولاماي
لاهو دم دمع عيني ولاماي
لكن روحي تذوب وتسح هية
...................
طور المشموم
لوعني زماني انحلت كليت
وعلى روحي غضى ضويت و كليت
بجيت و دم دموع العين كليت
على خلي السكن بالناصرية
..............
طور المحبوب
وحق عقد الولاية ون باه
جمع أعضاي صارت ون باه
ياحادي ضعون ولفي ون باه
نريد وياه نترافق سوية
