من تجين
يردن طيور
السعد لديار اهلنه
ويصحى حظي الما صحالي
وينفض غبار السنين
ومن تجين
روحي خضره يرد غصنهه
بلحظه وحده
وتكسر ايام الخريف
وبيه كل يابس يلين
ومن تجين
تغرد طيور البلابل من فرحهه
وتعتنيج اسراب كلهه
ومايظل بلبل حزين
من تجين
ينقفل دكان حزني
بشمع الاحمر
والمراجيح اتعلك لليتامى
وكلهه تلعب
من تجين
وحتى صبخة كاعي تحلى
كبال عينج
تنترس جوري وبنفسج
والجرف يغفه اعلى حضن الياسمين
والجروح الجانن يصلن
صليل الموت يشفن
والهواجس تنتهي بساعه
وتهيد وتستجين
ومن تجين
يرجع لشعري سواده
يصير ليل
وما اغني من الحزن
تانيتكم.......... ومعاتبين
وروحي وي روحي اتصالح
لو رجعتي
وتنعقد صفقة صلح
نيراني تطفى وتنخمد
بالبانزين
