غزل بالشفايف ....... زنجيل ابوذيات روعــــــــــــــــــــــه

تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه


شكثر حاچيت گلبي عظ عضيته
وصبعي من الندامه عظ عضيته
طمعت بشفاف ولفي وعظ عضيته
موطا بحلگ جاهل صفت هيه


أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه


مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه


حبيبي من حلاها مره شفتك
وبعد عطشان ياسمر من رشفتك
لون فد يوم تصدف مره شفتك
جدك مايخلصك من اديه

عــــــــــــــــــــاشت الايادي
كــــــــــــــــــــــــــــلش حلوات
دومك مبدع
تحياتي

يسلمووووووووو عاشت الانامل يا وردة
ابدعت
تحياتي الك