خــــــــــــــليني دمـــــــــع
54:
خليني دمع مااصير ابد ضحكات
وعندي اسباب مااصيرن تخليني
اولهه الفرح كاتب علي ممنوع
وثانيهه الحزن كاسر فرح عيني
وثالثهه الفقر عراب هالاسباب
ومن العوز ما فرغت دواويني
واتريد ابتسم واضحك چذب للناس
وهذي مو صفاتي وانت تدريني
ناضج بالحزن خطّيت التلاثين
واثياب الفرح ما ظنهه تغريني
وضايع من زمن بس عندي بس عنوان
بعيون اليتامه شوف تلكَيني
ولأن كنز القناعه مو شرط بالمال
بس ورقه وقلم مرات تكفيني
ولاجيء للشعر من حيث ماكوا اوطان
تسمع فكرتي وانسان تحويني
وغني وابقه الغني بس بالشعر لاغير
وثورات احتراقي لي كنز واقنع
لأن عندي القصيده كالملح والزاد
ما ملهه ولا فد يوم منه اشبع
وشاعر داخلي لو جاع تالي الليل
ياكل بالحروف ويشرب المطلع
وقافيتي صغت من قاع هالحرمان
واتخيّل بعد صار الكَلب مرتع
وموصوتي جرح هذا اليحچي وياك
واقرالك بعد من قصتي بس مقطع
ماعندي حلم ينباكَ مني باليل
حلمي بس حبر فوكَ الورق يركَع
وتمثال الأمل كسرته من زمان
وكَلت الواقعي ياصاح راح اخضع
لذلك من تجي تلكَاني بس عاشور
ومن يخلص محرم كون هم يرجع
ومن يخلص محرم كون هم يرجع
__________________
مع تحياتي لكم
51:51:
