(اچيتك)

(اچيتك)
اچيتك ومستحي ادگ بالباب وعالخدين سالت دمعة مفضوحة..
وصلت لباب دارك واتعثرت بالباب كد ماتعبتني الچية والروحة..
غريب وعندي صعب هواي طبة الدار وچانت گبل بس الي مسموحة..
بچيت وصحت بأسمك من ورة الحيطان بگلب مكسور يشبه كسرة اللوحة..
حبيبي بداعتي مر عالگلب خطار وبسچين عينك مزك اچروحة..
العالم تذبح الدمعة بضريح امام واني بحظرتك دمعاتي مذبوحة..
اني الچنت اچيك بضحكة من ابعيد اچيت بطرگ دمعة و روحي مجروحة..
اچيتك اعتذر واعتب عليك اهواي واريد ارجع البيتي اذنوبي ممسوحة..
من دونك بلا فرحة وگصيرة الايد واشوف الفرح يمي وايدي متلوحة..
حبيبي ابعيني اشوفك چاهل ازغيرون تتمرجح واني گلبي يصير مرجوحة..
حبيبي معاهدك واحلف كلام الله اليخونك حبيبي ايقشمر بروحة..
:a (78):

الله هاااااااااااي شنو
تخبل عاشت ايدج يا وردة
تحياتي

يدللو حبي منورة وربي
تحياتي الج
وردة

روووووعة وردة عاشت ايدج
دومك مبدعة
تحياااااتي

يدللو يا وردة منور وربي
تحياتي الك

رقيقتي
إبتسمي لدنيا فما زالت جميلة..!!
\
صح ذوقك وصح لســانك،،
ولك ارق التحيا
واعظم الشكر
\
موودتي
عراقية كوول

يدللو منورين

رووووووووعة ماتقدميه لنا من ابداع
تحياتي الج
يامبدعة

يدللو حبي نورتي بردج الحو مثلج
تحياتي الج