( خيطـــان البعـــــــــد )

نفــذة نفــذة
جروح ماضيي القريب .. روفتهـن ..
نفــذة نفــذة
وصفحة صفحة
سنيــن شوكك .. قفلتهن ..
صفحة صفحة
وبيت بيت
كلمة كلمة .. حروفهه انطشت مناجل
تحصد بكيعان صبري .. ومـا شكيـت
من كثر .. ما ملت اشفاف التمني
نصبتلك روحي محفل ..
بدت اولهه مراسيمة بزعل
وشبكت جفوف العتب روح المنصة ..
وقصة قصة
ضاعت بصفنت وكت كل المشاهد من اديهه
صوتهه وصورة فرحهه ..
وضل طعم لذة فرحهه اسم فرحه
ليل جن فك بابه متوازي اعله صبحه
ودمعه دمعه
نزفت عيـــــون السـوالف ..
نهر .. موجه الذكريات .. لو ان شك صدر الشفــايف
دمعه دمعه
اوينك انت .. لا شفت طيفك يمرني
ولا عزف نايك واسمعه
بس احسا" شهكة انفاسك علي كلش بعيدة
وكمت ادورا" بين حسبات المناشغ , بسطرت اوراقي الجديدة
بجرف ومضة , بنص قصيدة
مــــا لكيتـــــــــــــك
بس شفت حبل المظاهر .. من بعيـــــد
أتقرب أكثر .. شد هويتك

كلت ظفرت بيك خيطان البعد

سلمت اناملك يا وردة
ابدعت تحياتي الك

**((&&--- شـكـراً جـزيـلاً عـلـى الـمـرور الـجـمـيـل ---&&))**
**((&&--- گل حبي واحترامي الى من يضف رد لي ---&&))**