عندي وياك دين لهسه ماخذته

اذا رايد تروح تـريد مني انـساك


مو آنه الانسان اليقبل بسكتـه



ولتصدگ اعـوفــك تمشي وترتاح


ماضيـّـك وراك ومـنــّـي تـذكـرتـه



ولا آنه الضعيف الينسه جرحك ذاك


ولا أنـسـه الـعـذاب اللــّي تعـذبته



انطيتك گلب صافي وگتلك آنه اهواك


وانطيتك عهد للموت بــس خــنـته



ولــحد الآن باقي اعله العهد وياك


مكتوب بدمه الشريان واحفظـتـه



من اشوفنك تفرفح روحي من ابعيد

مــن أول لقــاء ويـاك عــايـشــتــه


وتصدّ عني وكلشي ما بدر ضدك

شايـلــلـّك محبه بگـلبي العفته


واچذب العين چـم مر ّه واگولن لا

يمكن مشتبه لو غيرك الشفته


ينال الغير حبـّك بالسهوله شلون

وتعبي وياك راح بلا سبب بعته


حقيقه الزعل ياخذني واشيط بغيظ

اذا چـفــك بچــف الـغـير سالمـتــه


واذا انت تگول رايح وانتهى الموضوع


عــنـدي ويـاك ديـن لـهسـه ماخـذتـه


-
تحياتي للجميع

عاش قلمك الراااائع ياورد
دومك مبدع
تقبل مروري

منور خيوو
شكرا على المرور الحلوو
تحياتي الك

سلمت اناملك ابدعت تحياتي الك

منوره ورده
تحياتي

عاشت ايدك ورده
موضوع رووووووعه

لا تحمرنا من جديدك

تحياتي