**لأن دمــــك حليـب**
****
لا تلبس بعد ابيض دخيل البيك
أبيض عالــ بياض البيك مابين
ولا تطلع بعد خليني اشوف اليل
كافي لخاطر الله وجوهنه اسودن
من تطبك اجفونك جنها بوسه اتصير
وهمس خلان اسمع لمن يرفن
عله اخدودك قصر ملتقه لكل رسام
والف لوحه عليهن يمكن انرسمن
اسنونك عالـــ شفايف صلت استسقاء
وابوذيه اسمعهن كامن ينشدن
اصيل وكاعد ادور .. رضآبآك
لذلك عنك الخالق..رضآبآك
شفافك لحظه من تبخل..رضآبآك
نسوس كلنه نتساقط سويه
ومن تبعد علي بغداد تضوي بليل
اشوفك والملامح كلهن يضون
وحدر جيدك اشوفن دجله اصبع صار
لأن كرخ ورصافه ابلا وعي انطبكن
شعرك شجر حنه الغصن من لبلاب
وعله اجتوفك برقه امتدن التفن
مصايف عالزند تقصده بس الحور
وبطيات عكسك كعدن تمشن
بجفوفك مو اصابع عشرة ملتقيات
لغات وراد ربك هنه يختلفن
وابيض يظل دمك حته من تغتاض
.. لآن دمك حليب وعيب يتلون
رقيق وحت خيالك مثل ظل الماي
ترف كلش خفيف واسودة مدهن
وحضارات الدول عالخصر اميين
دخلن دورة عندك كام يتعلمن
يآ منجم حسن مدفون فوك الكاع
ذهب ياقوت عفوا كلشي تتضمن
ومثل كطنه بشمس تبقه بقدر متعيش
واذا اسمر صرت سمرانه يلطمن
