:q2:جرح الشوك بعدك وله مني
وسبب لفراك منك وله مني
بغيابك نضر عيني وله مني
ووجد حاجتي بطراف اديه
مو حب بلكلب هذا ورم شاك
وذوب بشوفت عيونك ورمشاك
اظل للموت بس امشي ورمشاك
لان روحي التحبك مو بيدية
***** *****
:q2::q2::q2:
احوكن خيط من شوكك وشيعة
وخبر حبك اذيعنه وشيعة
ابد ما نختلف سنة وشيعة
وعلى الارهاب فزعتنة سوية
ياما وياك اجد واتعب وداري
بعذابي زين انا اعلم وداري
تبني ديار عدواني وداري
تهدمها وتشمت عداي بيه
***** *****
انا ترفعت عن غيرى منازل
والى ويه اهل الكرم صدك منازل
انا لدرب العشق كبلك منازل
بس حضك حلو جابك عليه
***** *****
حبل مواصلك ياترف عدمن
عيوني من البواجي عليك عدمن
أدور على الوفى ياناس عدمن
الوفى واحد وضاع بتسعمية
