( لاتبجي وتخليني ابجي وياك )

(( لا تبچــي ))

لا تبچــي وتخلينـــي ابچــي ويـــاك
ماتســـوه الدمــع صدگني دنياتــــــك

افرح وابتسم وانسه الحزن يهــواي
مـاريــد الدمع يمحيلي ضحكاتـــــك

وميلوگ الدمع لعيونك الحلـــــوات
خلـي چفوفي تمســح هايه دمعاتــك

من يبچي البشر ينگلب وجه بساع
وانته بدمع عينك تره شمحلاتـــــك

تعال بصدري اضمك ياحبيبي شبيـــك
بلكي بصــدري اخفف هايه وناتـــــك

احسك انته بيه واني عايــــش بيـــك
واحس دگات گلبي تحاچي دگاتــــك

اذا تذبـل عيونك فدوة الك هالعيــــن
واخذ عيوني الك وانطيني مالاتـــك

لكن عقلي جــن وصرت محتــــــار
اريد اعرف عليمن هاي دمعاتـــــك

واريد اعرف بعد شنهو الحصل يهواي
وعليمــن تبچي انته وليش دمعاتـــــك

گــال اسمع حبيبي واني اگلك ليــش
هسه تعرف كلشي اجوبتي جاياتـــك

امـس من عندي رايد انتـــه بوســـات
وگلتلي اني ارد اضوكاً طعم وجناتــك

گلتلك لا حبيبي اعذرني ما انطيـــك
واني بكل سهوله ارفضت بوساتـــك

حبيبي التمسك وغلطه وبعد متصيــر
سامحني واخــذ من عندي غاياتـــك

واذا وردات شفتك ذبلن من الشوگ
اني بماي شفتي ارويها ورداتــــك

حبيبي وداعتك صدگني مازعــلان
ليش ازعل وافرح بيك شماتــــك

ازعل اني منك بس اذا شــــــوف
دمعاتك يزيحن مني ضحكاتــــــك

الشاعر: علي الديواني

روووووووووووووووووووووعة
عاشت ايدك على الطرح المميز
تحياتي الك
وردة

شكراً دموعة ع المرور العطر
منورة وردة

يخبــــــــــــــل عااااشت اييييدك ورده الكلمات روعه

لتحرمنا من جديدك

عاشت ايدك خيو
موضوع حلو وكلمات رائعه
تقبل مروري
تحياتي

يسلموووو عيوني
شكراً ع مروركم الجميل

روعة وردة ابدعت
تحياتي الك

منورة نوسنوس شكراً ع المرور

اللللللللللللللللللللللللللللللللللللللللللله
والله على الجرح عاشت ايدك حمودي
دومك مبدع
تسلم تحياتي الك

يدللو زيزو وردة