|||█◄ (( أحبــــــــــك موت )) ►█|||

||█◄ (( أحبــــــــــك موت )) ►█|||




http://www.alforat.org/attachment.ph...8&d=1227194325



http://img.photobucket.com/albums/v2...ine/dove2c.gif







(گالو ما تجـــي وگالو عليك بعيد

ودرب كلش طويــل البينك وبيني)

شح مني الدمع گـد ما بچيت أعليك

وأعاتب بالگمـــر هلبت يواسيني

ظلم كلش ظلم تحيـا وتموت بشوگ

وچا شنهو العمر من تذبـل رياحيني

تعب حتى الورق حبر ودمـع مخبوط

وحسره وي القلــم تاذيني وتبچيني

صفه رسمك حلـم عذب حنايا الروح

ومثل طيفك أبد مـــا شايف بعيني

نهر طولك عذب صـافي ويرد الروح

وأنه الميت عطش وبگطـره ترويني

أكتبلك شـعر وأسطـــرلك الأبيات

وانته بلا بخـــت بالفرگة تچويني

قيس بعام واحـد وتيبّس من الشوگ

وآنه سنين مـــرّت ما غفت عيني

گلي شلون رايك والعمــر محسوب

وچلمات الشماته تگـــول ناسيني

طلابه وي العشگ وأيامي كلهن ليل

وشمس حبك ظلم من مــا تضوّيني

كافــي من العتب راح أختم الأبيات

وأحچيلك سطر بـــي كل عناويني

مثلك ما شفت ولا رايـــد ولا ريد

وأحبك موت عنــــوان لدواويني

أحبك موت عنوان لدواويني

http://www.alforat.org/attachment.ph...8&d=1227194325

الله الله ابدعتي
يا وردة
تحياتي الج

تدللين عيوني
منورة

عاشت ايدج ورده
ذوق وربي
دوم الابداع
تحياتي الج

رووووعة
عاشت الايادي وردة
دوم الابداع
تحياتي الج

تدللون عيوني
منورين
تحياتي الكم جميعاً