تكلي اتركني انتة شبيك مجنون

تكلي اتركني انته شبيك مجنون
هوه اليحب مثلك يتركه
تكلي اتركني طلعت منك شلون؟
نتقاسم بالنفس والروح شركه
امد شارع عنادي بخلصت تهون
واوصل للنهايه والكه فلكه
وارجعلك كلب مشتاك وعيون
وملك شاريك لو ينطيك ملكه
اذا شفتك بعيد يغيم الكون
واعض اشفايف حركه وجفه افركه
تحاجيني بترف وصوت مزيون
وتصورها الزمه تصير امسكه
لك كون امسك اشفافك واكلب الكون
وجبل ثابت من البوسات احركه
بعد لتكلي احبك كون شيكون
هوه الي يحب مثلك يتركه
واسولفلك عليه وخل اكلك ليش
اسمعت منك كلام يهدم الحيل
وعلي اليوم مر يوم القيامه
اني الي احب وميت اعليك
تكلي انساني اذا عندك كرامه
اشو عندي كرامه وباقي ما انساك
اجلب بيك اجلب لو تصير الموت
وحلال الكون يتساوى بحرامه
عكس السير امشي بخلك مجنون
واذا يلزموني عود ادفع غرامه
انه مسودن اصيل وراسي مقفول
ودماغي مسكر ومابيه جامه
اعوفك اني اعوفك ليش وشلون
يضحكه عيد بعيون اليتامى
يا اول نفس صافي اتنفسه بدنياي
ويحب بلا وجع وبلا ملامه
اعوفك ما اعوفك واترك الموضوع
وكبل متروح سلم على ماما
,,,

موضوع رائع و كلمات اروع

تقبلي مروري البسيط

عاشت ايدج ورده
دومج مبدعه
تحياتي الج

يدللو نورتو الموضوع بوجودكم
والطلة الحلوة
تحياتي الكم

تسلمين ورده نسنوسه على الموضوع الحلو
ننتظر جديدج يا مبدعه
تحياتي

عذااااااااااااااب
ضيييييييييييم
يا رررررربي

ذكرتنيني بهوايه اشياء

شكراااااا

عكس السير امشي بخلك مجنون
واذا يلزموني عود ادفع غرامه
تسلمي ياوردة

يا اول نفس صافي اتنفسه بدنياي
ويحب بلا وجع وبلا ملامه
اعوفك ما اعوفك واترك الموضوع
وكبل متروح سلم على ماما


عاشت الايادي المبدعه
دمت ابداع وتقدم وازدهار
تحياتي الج

ولو نورتو القصيدة بردودكم
الحلوة والطلة الاحلى
تحياتي الكم