ما اتاني الوحي خاطر اسولف بيك.......

ما تاني الوحي .. خـــاطـر اسولف بيك



اذا ما جاني لجـــــــــلك آني اصعــــدله



وماكَلك عســــل هذا الوصـف مطروق



كَول ابهالترافه اتنسـّـــــت النحــــــــله



يا كتلة ضـوه .. وتمشـــــي بلايـا خيال



وانت .. أول جسم يتخلـّـــى عن ضـّله



موعجبه الرضيع يتبــــــعك من اتفوت



لم شوكَ البعينه وحــــــــــــوّله الحجله



وعلى الميت لون مــــــــرّوك هم يكَوم



يشكَ زيج المنايا ويطـــــــــلب المهله!



وطلاب المدارس مـــــن تجي ايعطلون



لان عيد الحسن .. واجـــــب الك عطله



تفكـّر .. مو .. أثم .. لمـــن ادوخن بيك



خلقك معجزه .. وبعيــــــــــــونك اتجله



آية من الجمال .. ابلـــــــــونهن محتار



لاهنـّه .. خضــــر .. لازركَ .. لاشهــله



اذن .. ربك يحبك حييل .. كلشي انطاك



ومو مفرد .. خذت من كل شي بالجمله



ولان سيد زمانك مــــــــــن حلاة البيك



حتى المايعرفك ناده يامـــــــــــــــــولى



وجينيس الجمــــــالك .. حطـّــم الارقام



انت .. الماكو بعده .. ولاحصـــــل كَبله



تحل اعضانه كلهـن من تحــــــل الشال



ولو حليت شعــــــــــرك بالله شنحله؟؟



اباب اشفاك .. كَمـــــنه اناطر البسمات



تالي وياك.. كَلــــي .. نعـوف باب الله؟



حجابك حيل قاصـــــــر .. مـايرد العين



لون صحّت بدينه انحطــــــــــك ابكـّله!



وياحامض يعمــي .. اشماله ابوالامثال



غم رايه اليكَلك .. نرضـــــــــه بالسله



يمد روحه الفرات ويحــضن الصحراء



لان يدري الصحـــاري اتوصّله لدجله



ودله .. شفافي صــارن والدليل اوجاغ



وفناجينك كريمــــــــــه .. تلامس الدله

روووووووووووووعه كلمات روعه عااشت ايييييدك ورده كوولش حلوووة

لتحرمنا من جديدك

واو واو روووووووووووعة
عاشت ايدك يامبدع
تحياتي الك
تقبل مروري البسيط

منورات بنوتات
شكرا على التواجد الحلو
تحياتي الج

سلمت اناملك ابدعت
تحيايت الك

منورة ورده
تحياتي الج