امشكبن كل فرح عمري
اجيت اومعتني البابج
يم طول الحلو
يا اعذب امن الماي
يجناح الفراشه اوعيد لصحابج
يم ارموش دفن كلبي التعبان
يا بدر اكتمل يلكلشي ماعابج
هذا انه دشوفى اشسوه بيه الشوك
واقبل لو صرة بس خيط بثيابج
يهنياله البفيج لو دقيقه اينام
جا فرهدتى من اجل الدقيقه اسنين خطابج
دكولى الجابتج هم بعد عود
اتجيب مثلج هيج والجابج
علي بهداى ماضل حيل
يحمل خزرة اعيونج الحلوه وقسوة اعتابج
انه الوجيت واعصاب العلي تلفانه من الشوق
وانت البارده اعصابج
شسوي والعمر فحطان
واتنطر اشماله اوياي مابيه زود خنيابج
عمر واتنطرج بسكوت وابكلبى جرح يوجعنى وانه اخفيه
وانت البارده اعصابج
الولى اعليه كل الليل واهيده ابشوفتج ساعات
اشراح ايسوى بغيابج
عليله اومرمرتني الروح
عت تعتنى لعيونج واكله اشبيج واشصابج
جي لن من تحب مايهدأ بيه الشوك
تجمع شوكه ويطشر ابابج
